انظرو الى اجورالفنانين فى الاعمال الدرامية فى رمضان تابعونا

وصلت ميزانيات الأعمال الدرامية اللى هتتعرض فى رمضان الجاى لـ مليار و200 مليون جنيه ،و فاز الفنان عادل إمام بنصيب الأسد من أجور الفنانين من خلال مسلسله (فرقة ناجى عطا الله) اللى وصلت تكاليف إنتاجه لـ 48 مليون جنيه، واجر إمام كان 30 مليون جنيه .
أما مسلسل (خطوط حمراء) فوصلت ميزانيته لـ37 مليون جنيه و بطل العمل الفنان أحمد السقا اجره وصل لـ 10مليون جنيه ، وخدت يسرا من مسلسل (شربات لوز) 12مليون جنيه من ميزانية المسلسل اللى اتكلف 36 مليون جنيه، و يحيى الفخرانى رضى بتسعة مليون عن بطولته لمسلسل (الخواجة عبد القادر) ، و وصلت تكاليف العمل لـ 41 مليون جنيه ، وبطل مسلسل (الهروب) كريم عبد العزيز خد 13 مليون جنيه.
و فى مسلسل (قضية معالى الوزيرة) اجر الهام شاهين كان أربعة مليون جنيه بس ، و ميزانية المسلسل 30 مليون، واتكلف مسلسل (باب الخلق) 42 مليون ، و محمود عبد العزيز خد 12 مليون، اما اللبنانية هيفا وهبى فخدت 9 مليون جنيه كبطلة لمسلسل (مولد وصاحبه غايب) اللى وصلت ميزانيته لـ 30 مليون، و مسلسل (مع سبق الإصرار)وصلت ميزانيته لـ 31 مليون جنيه، وغادة عبد الرازق خدت 9 مليون برضوا .